UNEC və Coders Azerbaijan əməkdaşlığı çərçivəsində “CS50x Azerbaijan UNEC” layihəsinin bağlanış mərasimi baş tutub.

Tədbirdə “CS50x Azerbaijan UNEC”-in tələbələri final layihələrini təqdimatını keçiriblər. Təqdimatda iştirak edən qonaqlar layihələrə baxış keçirərək səsvermə yolu ilə dəyərləndirmələr ediblər.

Sonda səsvermənin nəticələrinə əsasən qalib olan komanda pul mükafatı ilə təltif olunub, iştirakçılara sertifikatlar təqdim edilib.

Qeyd edək ki, “CS50x Azerbaijan UNEC” layihəsi çərçivəsində Azərbaycan Dövlət İqtisad Universitetinin tələbələri 10 həftəlik proqramlaşdırmaya giriş dərslərində iştirak ediblər. CS50x tədris proqramının rəsmi tələblərinə uyğun olaraq müəllimlərlə Coders Azerbaijan tərəfindən universitet tələbələrinə ödənişsiz tədris olunur. Layihənin məqsədi proqramlaşdırmaya həvəsi olan tələbələrə dəstək olmaq və təməl biliklərinin öyrədilməsində köməklik göstərməkdir. Tədbirdə UNEC Karyera mərkəzinin və Rəqəmsal İqtisadiyyat fakültəsinin əməkdaşları da iştirak ediblər.